Завхан аймгийн хэмжээнд 48 мянган га талбайд судалгаа хийхэд ойн хөнөөлт шавжийн голомт үүссэн гэсэн дүгнэлт гарчээ.
Одоогоор аймгийн Баянтэс, Баянхайрхан, Их-Уул, Сонгино, Тосонцэнгэл, Түдэвтэй, Тэлмэн, Нөмрөг, Цэцэн-Уул сумын ойн сангийн 25 мянган га талбайд хортон шавж устгах ажлыг хийж байгаа аж.
Ойн хөнөөлт шавжийн нүүдэлд өртсөн мод цайрч, хувхайран хатаж, байгаль экологи, экосистемд үзүүлэх үйлчилгээгээ алддаг байна. Тиймээс ойн хортон шавжийн хүрээг хязгаарлаж, хэт олшрохоос өмнө устгах, урьдчилан сэргийлэх ажлыг хийж эхэлжээ.
Иймд дээрх бүсийн ойд зорчих, хор цацсан ойгоос самар, мөөг, жимс зэргийг түүхгүй байхыг ОБЕГ-ын Урьдчилан сэргийлэх газраас сэрэмжлүүлж байна.
А.САЙХАН
