Монгол Улсын Ерөнхийлөгч У.Хүрэлсүх, Бүгд Найрамдах Польш Улсын Ерөнхийлөгч Анджей Дуда нар өнөөдөр /2023.04.25/ албан ёсны хэлэлцээ хийсэн билээ.
Хэлэлцээний талаар Зам, тээврийн хөгжлийн сайд С.Бямбацогт “Хоёр улсын Ерөнхийлөгч нар хэлэлцээ байгуулснаар монголын тээвэрчид Польшийн нутаг дэвсгэр рүү чөлөөтэй тээвэр хийх нөхцөл бүрдэж байна.
Польш Улс бол Европ тивийн зүүн хаалга. Тэгэхээр Польш улсаар дамжаад цаашаа Европын улс орнууд руу тээвэр хийх бололцоо бүрдэж байна гэсэн үг.
Өмнө нь Польшоос Монгол руу бага хэмжээний тээвэр хийдэг байсан. Гэхдээ тухайн үед ОХУ болон Беларусь улсын тээвэрчид үүнийг хийж байсан юм. Одоо монгол тээвэрчид маань энэхүү тээврийг хийх боломж бүрдэж байна.
Польшоос Монгол руу барилгын материал, хүнсний бүтээгдэхүүн, жимс жимсгэнэ болон бусад савлагаатай бүтээгдэхүүнүүдийг импортолдог. Энэ бүгдийг цаашид монгол тээвэрчид маань тээвэрлэх боломж бүрдлээ.
Манай хоёр улсын худалдааны эргэлтийн хэмжээ сүүлийн жилүүдэд гурав дахин нэмэгдсэн. Зөвхөн энэ оны эхний байдлаарх тоог аваад үзэхэд өнгөрсөн 2022 оны түвшинд хүрчихсэн байна. Өөрөөр хэлбэл, Польшоос Монгол руу хийгдэх тээвэр 3-4 дахин нэмэгдэх бололцоотой. Хамгийн гол нь энэ тээврийг монголчууд маань хийхээр боллоо” гэлээ.
ОХУ-ыг тойрох юм уу,? Монголчуудад зөвшөөрч магадгүй ч Польшуудыг нутаг дэвсгэрээрээ дамжин өнгөрүүлэх болов уу?