ХҮН намаас ерөнхий боловсролын сургуулийн сурагчийн дүрэмт хувцсыг халж, 15-20 мянган төгрөгийн үнэтэй поло футболк өмсгөх санал гаргалаа.
Энэ талаар ХҮН намын Удирдах зөвлөлийн гишүүн Ц.Алтансор “Монгол Улс 2013 оноос ерөнхий боловсролын бүхий л сургууль нэгэн жигд дүрэмт хувцастай байх шийдвэр гарсан. Энэхүү шийдвэр хүүхдүүдийг гадуурхахгүй байх, жигд, тэгш, шударга гэх сэтгэлгээг хүүхдэд суулгах зорилготой байсан. Гэвч энэ дүрэмт хувцас хүүхдийн эрүүл ахуй, хөдөлгөөн, биеийн хөгжилд муугаар нөлөөлж байна. Дөрвөн хүүхэдтэй өрх гэхэд хичээлийн жилд нэг сая төгрөгөөр дүрэмт хувцас худалдан авч байна. Энэ нь эдийн засагт ч хүнд нөлөөлж байна. Мөн ганцхан ээлжийн хувцастай, үүнийгээ угааж цэвэрлэх гээд олон асуудал дагуулж байна.
Одоо ЕБС-д өмсөж буй дүрэмт хувцас хүүхдийн биед саад учруулж, хөлс гадагшлуулдаггүй. Мөн өндөр үнэтэй байна. Энэ хувцас 100-250 мянган төгрөгийн үнэтэй. Дөрвөн хүүхэдтэй айл гэхэд сая гаруй төгрөгөөр хувцас худалдаж авах санхүүгийн асуудалтай тулгарч байна. Эцэг эхчүүд, сургуулийн захиргаа, хүүхдүүд ярилцаад, санаа гаргаад, өөрсдөө дүрэмт хувцсаа сонгодог жишиг бий. Жишээлбэл, Англи, Финландад логогүй, зөвхөн өнгө зааж өгөөд, амьжиргааны түвшнээс хамааран худалдаж авдаг. Тухайлбал, поло футболк энгийн хийцтэйгээс гадна хүүхдийн биед тав тухтай, хичээлийн дараа өмсөх боломжтой. Өнгийг нь зааж өгөөд, иргэдэд сонголтыг өгье. Энэ футболк 15-30 мянган төгрөгийн үнэтэй.
Үүнээс харахад дүрэмт хувцсыг шинэчлэх зайлшгүй шаардлагатай байгаа юм. Эцэг эхчүүд, сургуулийн захиргаа, хүүхдүүд ярилцаад, санаа гаргаад, өөрсдөө дүрэмт хувцсаа сонгодог жишиг бий. Жишээлбэл, Англи, Финландад логогүй, зөвхөн өнгө зааж өгөөд, амьжиргааны түвшнээс хамааран худалдаж авдаг. Тухайлбал, поло футболк энгийн хийцтэйгээс гадна хүүхдийн биед тав тухтай, хичээлийн дараа өмсөх боломжтой. Өнгийг нь зааж өгөөд иргэдэд сонголтыг өгье. Энэ футболк нь 15-30 мянган төгрөгийн үнэтэй.
Энэ санаачилгыг 2000 гаруй хүн дэмжиж буйгаа илэрхийлсэн. Иймд цаашдаа мэргэжлийн болоод хариуцсан байгууллагад хандах болно. Мөн uih.mn сайтад санал асуулга явуулна” гэлээ.
