Монгол Улс Даваа гараг (2023.11.20)-т ОХУ, Их Британи болон бусад улс орнуудаас 2000 жилийн өмнөх соёлын олон зуун олдвороо эх оронд нь буцаахад илүү их дэмжлэг үзүүлэхийг уриалав.
Монгол Улсын олон улсаас буцаан авах хүсэлтэй байгаа түүх, соёлын олдворуудад 2000 жилийн настай олдвороос эхлээд Эдинбургийн музейд хадгалагдаж буй Рашид ад-динтэй холбоотой эд өлгийн зүйлс болон Монгол Улсын анхны Ерөнхий сайд Т.Намнансүрэнгийн захидлууд зэрэг түүх, соёлын өвүүд багтаж байгааг онцолжээ.
Сүүлийн жилүүдэд Европын колоничлолд байсан олон улс орон өөрийн түүх соёлын олдвороо эргүүлэн авах хүсэлт гаргаж буй бөгөөд тэдгээрийн дийлэнх нь түүхийн музейд хадгалагдаж байгаа юм.
Монгол Улсын тухайд түүх соёлын олдворуудаа буцааж авах тал дээр үр дүнтэй ажлууд хийж буйн нэг нь АНУ-д худалдагдах гэж байсан үлэг гүрвэлийн яс, тэр дундаа 70 сая жилийн өмнө амьдарч байсан тиранозавр батаарын жижиг хувилбар болох алиорамусын гавлын ясыг эх орондоо буцаан авсан явдал юм.
Энэхүү уриалгыг өнгөрсөн долоо хоногт ОХУ-д болсон Соёлын форумын үеэр Монгол Улсын Соёлын сайд Ч.Номин 100 жилийн өмнө судалгаа, сэргээн засварлах зорилгоор ОХУ-д илгээсэн Ноён уулаас олдсон Хүннү гүрний үед хамаарах олдворуудыг илрүүлж, гэрээ ёсоор Монгол Улсад буцаан өгөхийг ОХУ-ын талаас хүссэн юм.
Соёлын сайд Ч.Номин тус форумын үеэр хэлэхдээ “Өнөөдрийн байдлаар Монгол Улсын эхлүүлсэн энэ чухал ажлыг дэмжиж ирсэн улс орнуудад талархал илэрхийлж, найрамдалт харилцаагаа хүндэтгэн түүх, соёлын олдворуудаа буцаан авах ажилд хамтран ажиллахыг хүсч байна” гэв.
Эх сурвалж: REUTERS, ICE.GOV
Э.ЭГШИГЛЭН
