Амралтын өдрөөр хайртай дотнын хүмүүстэйгээ тав тухтай өдрийг өнгөрөөх нь таны амьдралын хамгийн аз жаргалтай өдрүүдийн нэг байх болно. Тиймээс танд өөрийн хайртай хүмүүсдээ гарын доорх материалаар хамгийн амттай хоолыг хийж өгөхөд тань туслах цөөн хэдэн жорыг танилцуулж байна.
1. Бүрж шарсан загас
Орц:
- Өндөг- 2 ширхэг
- Талхны үйрмэг – 2 аяга
- Ширхэгтэй гурил – аяганы дөрөвний нэг
- Ургамлын тос
- Хальбин загас эсвэл сагамхай загас- 450 гр
- Давс, перец- амталгаагаар
Хийх арга:
Өндгөө хагалж, аяганд хийгээд сайтар хутгана. Харин талхны үйрмэг болон гурилаа тус тусад нь аяганд хийж авна. Загасаа давс, перецээр амтлаад урт нарийн хэрчих юм шүү. Эхлээд гурилтай аяганд, дараа нь өндөг, харин хамгийн сүүлд талхны үйрмэгтээ загасаа өнхрүүлээд үүнийгээ ургамлын тосонд 3 минут хэртэй шарж болгоорой.
2. Бөөрөнхий махтай шорлог
Махыг машиндаж татаад сой соус, жижиглэн хэрчсэн сонгино, сармис, давс, хар перц хүсвэл халуун чинжүү болон өөрийн дуртай бусад мах амтлагчаар амтлаарай. Сой соус нь шорвог давслаг тул давс хийхдээ тохируулан бага хэмжээгээр хийгээрэй. Үхрийн мах болон гахайн мах илүү тохиромжтой. Амталсан махаа хөргөгчинд хийж 40-60 минут байлгаж амт оруулна.
Ингээд махыг гарын атганд багтах хэмжээгээр буюу 100гр орчим хэмжээгээр жигд тасдаж сайтар бөөрөнхийлнө. Модон шорыг усанд норгоно.
Гурилыг бага зэрэг давс, исгэгч хийгээд бүлээн усаар зуурч, жигд зөөлөн болтол нь нухаж 30-40 минут амраана. Дараа нь дахин сайтар нухсаны дараа 4-5мм орчим зузаантай элдэнэ. Ингээд шорлогны маханд тааруулын урт нарийн хэрчинэ.
Амталсан мах, бэлдсэн гурилыг зурган дээрх шиг аргаар сөөлжүүлэн ороож шорлоно.
Шарах шүүгээний хавтанг сайтар тослоод шорлогыг байршуулна.
Ингээд 180С хэмд шарах шүүгээг сайтар халаасны дараа шорлогыг хийж 30-40 минут болгоно. Шорлогны мах болж, гурил хөөж алтан шаргал өнгөтэй сайхан үнэртэй болох болно.
3. Тактуританг 
Орц:
- Тахианы мөч, гуя- 450 гр
- Нунтаг цагаан гаа- 1 халбага
- Ус- 1.5 аяга
- Соё соус- 3 халбага
- Элсэн чихэр- 1 халбага
- Солонгос халуун чинжүү- 1 халбага
- Гүчүжан- 1 халбага
- Гүнжидийн тос- 2 халбага
- Сармис- 1 хумс
- Төмс- 3 ширхэг
- Лууван- 1 ширхэг
- Сонгино- 1 ширхэг
- Давс- тал халбага
- Хар перец- 1/4 халбага
- Ногоон сонгино- 3 ширхэг
- Гүнжидийн үр- 1 халбага
Хийх арга:
1.5 аяга усандаа соё соус, элсэн чихэр, халуун чинжүү, гүчүжан, гүнжидийн тос, хэрчсэн сармис зэргээ хийн сайтар хутгаад үүндээ тахианы мөч, гуянууд болон хэрчсэн төмс, луувангаа хийж, сайтар базаад 30-60 минут амраана. Харин товлосон цаг болмогц сонгиноо хуурч, үүндээ амталсан мах, төмс зэргээ хийж хуурах бөгөөд хар перец, давс зэргээ ч мөн хийж өгөх юм. Одоо үүндээ 500 гр ус хийж, 20 минут буцалгаад л болох аж. Мөн хоолоо болмогц нь хэрчсэн ногоон сонгиноо хийж өгөөрэй.
4.Хүрэн манжингийн шөл
Орц:
- Хүрэн манжин – 4 ш
- Улаан байцаа – 400 г
- Төмс – 400 г
- Сонгино – 1 ш
- Сүү – 200 мл
- Ногоон өнгөт ногоонууд
- Гүнждийн тос – 1 х.х
- Давс, перец
Хийх арга: Ногоонуудаа арилгаад дөрвөлжин хэрчинэ, харин байцаагаа томовтор хэрчээрэй. Ногоонуудаа хоолны саванд хийж ус хийж 15-20 минут орчим ногоо зөөлөртөл чанана. Шөлөө блендерт хийж бутлаад дээрээс нь гүнждийн тос, сүү, давс, перецээр амтлаад дахин сайтар холино. Тавагласны дараа жижиглэн хэрчсэн ногоон өнгөт ногоогоор чимэглэн зөөхий дусааж болно.
5. Улаан лоолийн соустай паста
Орц:
- Сонгино- 1 ширхэг
- Лууван- 1 ширхэг
- Сармис- 3 хумс
- Оливын тос
- Савласан шош- 150 гр
- Ус- 1 л
- Улаан лоолийн шүүс- 200 гр
- Гоймон- 200 гр
Хийх арга: Лууван, сонгино, сармис зэргээ шоо дөрвөлжин хэлбэртэй хэрчээд оливын тосонд хуурах аж. Үүндээ шошоо нэмэн 2 минут дахин хуурах бөгөөд улаан лоолийн шүүс болон усаа нэмээд сайтар хутгаарай. Мэдээж шөлөндөө гоймонгоо хийж чанах бөгөөд 10 минутын дараа гэхэд л таны хоол бэлэн болох юм. Хэрэв та хүсвэл хоолондоо бяслаг үйрүүлж өгч болно.
6. Шницель
Орц:
* 150 гр мax
* 1 ширхэг өндєг
* 30 гр ургамлын тос
* 2 гр давс
* 0.2 гр шар повоор
* Сонгино
* 50 гр гурил
* 3 гр сармис
* сухарь
Тvvнчлэн та єєрийнхєє дуртай амтлагчуудыг тохируулан хийж болно.
Хийх арга:
- Махаа 2-3 удаа сайтар машиндаарай.
- Давс, сонгино, повоор, тал єндєг єєрийнхєє дуртай бусад амтлагчаараа амтална. Харин ус хийж болохгvй. Ингээд амталсан махаа нимгэн хавтгай болгоод сухарьт єнхрvvлж, урьдчилан бэлтгэсэн хайруулын тавганд хайрч болгоно.
А.БАЯР
