Дархан-Уул аймгаас сонгогдсон УИХ-ын гишүүн, Сангийн сайд Б.Жавхлан, УИХ-ын гишүүн Б.Баттөмөр, аймгийн Засаг дарга Б.Азжаргал, аймгийн ИТХ-ын дарга С.Насанбат нар алтан төлийн эздийн шагналыг гардуулсан байна. Энэ жил тус аймгаас “Алтан унага”-ны эзнээр Шарын гол сумын С.Мурат, Х.Амангүл нарын, “Алтан хурга”-ны эзнээр Шарын гол сумын Санжинт багийн малчин Ж.Бямбажав, М.Тунгалаг нарын, “Алтан тугал”-ны эзнээр Хонгор сумын хоёрдугаар багийн малчин А.Баттулга, Д.Долгор нарын, “Алтан хурга”-ны эзнээр Хонгор сумын хоёрдугаар багийн малчин Ш.Эрдэнэдолгор, Я.Нямаа нарын, “Алтан тугал”-ны эзнээр Хонгор сумын хоёрдугаар баг Хүйтэний голд өвөлжиж буй Х.Мөнх-Ундрах, Х.Нарантуяа нарын гэр бүл тодорч, тэдний шагналыг гардууллаа.
Шагнал гардуулах үеэр Сангийн сайд Б.Жавхлангийн 2.5 сая төгрөгийн матрын арьсан дээлийн бүс олны анхаарлыг аргагүй татаж байж. Их хурлын гишүүд мөнгөн тоногтой эсхүл япон дээлийн бүсээр гангардаг бол Сангийн сайд бэлээ үзүүлж, матрын арьсан бүс зүүсэн байна. 2019 онд мартын арьсан дээлийн бүс 2.5 сая төгрөгөөр зарагдаж байсан бөгөөд түүнээс хойш үнэ нь нэмэгдсэн байгаа гэдгийг борлуулж байсан хүмүүс нь хэлж байна. Хамт шагнал гардуулсан УИХ-ын гишүүн Б.Баттөмөр шар дурдан бүс зүүсэн байжээ.
