“Ханжөү 2022” Азийн XIX наадам үргэлжилж байна. Энэ удаагийн наадмаас жүдо бөхийн -100 кг-ын жинд “Хилчин” спорт хороо, “New Arig US” компаний тамирчин Б.Гончигсүрэн мөнгөн медаль хүртэв. Тэрбээр Узбекистаны жүдоч Туробоев Музаффарбектэй барилдаж, иппон үнэлгээгээр ялагджээ.
“Ханжөү-2022” Азийн наадмын жүдо бөхийн +78 кг-ын жинд “Алдар” спорт хороо, АПУ хувьцаат компаний тамирчин ОУХМ А.Адъяасүрэн барилдаж, хүрэл медалийн эзэн болов.
Тэрбээр хүрэл медалийн төлөө Энэтхэгийн Тулика Мааныг нэмэлт цагт торгуулиар ялснаар Азийн наадмаас Монгол Улсын багийн зургаа дахь, жүдочдын гурав дахь хүрэл медалийг хүртээд буй юм.
Ч.ДАШ
