Сурагчдын зуны амралт эхэлсэнтэй холбоотойгоор бага насны хүүхдийг харгалзах хүнгүйгээр олон цагаар гэрт нь үлдээсний улмаас хүүхдүүд ил гал гаргах, чүдэнз, асаагуураар тоглох нь ихсэж, гал гарах шалтгаан нөхцөлийг бүрдүүлж байна.
Үүний нэг жишээ нь өнөөдөр /2023.06.12/ Төв аймгийн Зуунмод суманд оршин суух иргэн А-гийн эзэмшлийн хашаанд бага насны хүүхэд чүдэнзээр тоглож, гал алдсаны улмаас тус хашаанд байсан зуны амбаар шатсан гал түймрийн дуудлага бүртгэгджээ.
Иймд иргэд бага насны хүүхдэдээ тавих хараа хяналтаа сайжруулан гал үүсгэгчээр тоглуулахгүй байж, болзошгүй гал түймрийн аюулаас урьдчилан сэргийлэхийг анхааруулж байна.
