Жирэмсэн эмэгтэй болон хүүхдэд 13А маягт шаардахгүй байх Засгийн газрын тогтоол хэрэгжиж эхэлжээ.
Тодруулбал, Эрүүл мэндийн сайдын 2021 оны А/813 дугаар тушаалын дагуу иргэд лавлагаа шатлалын эмнэлэгт үзүүлэхдээ анхан шатны эрүүл мэндийн байгууллагаас 13А маягт буюу үйлчлүүлэгчийн онош, лавлагаа шатлалд илгээх болсон шалтгааныг үндэслэлийн хамт бичсэн мэдээлэл бүхий илгээх бичгийг заавал авч очдог байсан билээ.
Тэгвэл эрүүл мэндийн даатгалын цахим системд,
- 0-18 насны хүүхэд
- жирэмсний хяналтын багцын тусламж, үйлчилгээнд дээрх илгээх бичгийг шаардахгүй байх зохицуулалтыг оруулсан байна.
