Зам, тээврийн хөгжлийн яамнаас 2024 оныг “Бүсчилсэн хөгжлийг дэмжих, бүтээн байгуулалтын жил” болгон зарласан. Энэ онд төмөр замын салбарт 2.5 сая зорчигч, 45.5 сая.тонн ачаа тээвэрлэж, Зүүнбаян-Ханги чиглэлийн 227 км төмөр зам, Шивээхүрэн-Сэхэ чиглэлийн хил холболтын төмөр замыг байнгын ашиглалтад оруулахаар төлөвлөсөн байна.
Түүнчлэн Гашуунсухайт-Ганцмод, Бичигт-Зүүнхатавч боомтын хил холболтын төмөр зам болон нийт 1826 км төмөр замын барилгын ажлыг эхлүүлэх ажээ. Мөн Улаанбаатар-Хархорин чиглэлийн төмөр замын техник, эдийн засгийн үндэслэл боловсруулахаар төлөвлөжээ.
Дашрамд дурдахад, Монгол Улсын Засгийн газар, Дэлхийн банкны Олон улсын сэргээн босголт, хөгжлийн банк, Олон улсын хөгжлийн ассоциаци хооронд байгуулсан Зээлийн хэлэлцээрийн дагуу хэрэгжих “Монгол Улсын тээврийн холболт болон логистикийг сайжруулах төсөл”-ийн төсөл хэрэгжүүлэх нэгжид дараах ажлын байрны сонгон шалгаруулалтыг нээлттэй зарлаад байгаа аж. Үүнд:
1.Худалдан авах ажиллагаа хариуцсан мэргэжилтэн
2.Хяналт-шинжилгээ, үнэлгээний ажилтан
3.Нийгмийн хөгжлийн асуудал хариуцсан ажилтан
4.Байгаль орчны хамгааллын ажилтан
5.Орчуулагч
6.Захиргааны ажилтан сонгон шалгаруулах юм байна.
Э.ЭГШИГЛЭН
