Энх тайвны төлөө гарамгай зүтгэснийг нь үнэлж, Өмнөд Суданы Бор хотноо Монголын 154 энхийг сахиулагчийг НҮБ-ын медалиар шагнажээ. Тэд Өмнөд Суданы хүн амын амар тайван амьдралыг хангах үйлсэд оролцож үүрэг гүйцэтгэж байгаа юм. Мөн шагнал авсан алба хаагчдын 4 нь эмэгтэй алба хаагчид байгааг Өмнөд Судан дахь НҮБ-ын энхийг сахиулах ажиллагаа (UNMISS) “Twitter” хуудсандаа онцолжээ.
Өмнөд Судан дахь НҮБ-ын энхийг сахиулах ажиллагаанд Монгол Улсын Зэвсэгт хүчний 800 гаруй бие бүрэлдэхүүн оролцож байгаа бөгөөд тэд Юнити мужид алба хааж байгаагаас гадна Бор хотод мотобуудлагын батальонд үүрэг гүйцэтгэж байна.
