Цэцэрлэг, сургуулийн багш нар сурагчийнхаа биед гар хүрсэн тухай бичлэг, мэдээлэл цахим сүлжээнд үе үе дэлгэгдэж байна. Сүүлд гэхэд нийслэлийн 309-р цэцэрлэгийн туслах багш бүлгийн хүүхдүүдээ цохиж буй бичлэг ил боллоо. Үүнтэй холбогдуулан БШУ-ы сайд Л.Энх-Амгалан хэвлэлд мэдээлэл өгчээ.
Тэрбээр “Бид энэ асуудалд нэг удаагийн гал унтраах арга хэмжээ авахгүй гэж бодож байгаа. Энэ бол тогтолцооны асуудал. Тиймээс нэгдүгээрт, багшийг сургаж байгаа хөтөлбөрүүдийг эргэж харна. Хүүхэд зодсон 309-р цэцэрлэгийн багш туслах багшаар бэлтгэгдсэн юм билээ.
Өнгөрсөн хоёр жилийн хугацаанд Засгийн газраас цэцэрлэгийн хүртээмжийг нэмэгдүүлж, сугалааны цэцэрлэгийг халахад 1,200 орчим багш шинээр авсан. Тэдний олонх нь туслах багшаар бэлтгэгдсэн юм билээ. Туслах багш нар богино хугацаатай бэлтгэгдсэн учраас багшийн эзэмших ёстой ур чадваруудыг дутуу эзэмшсэн юм болов уу гэж харж байна.
Мөн хоёр жилийн өмнө үүссэн нөхцөл байдлаас болж бид энэ асуудалд анхаарах шаардлагатай юм байна гэж үзэж, цэцэрлэгүүдийг камержуулах ажлыг зохион байгуулсан. Одоогоор улсын хэмжээнд байгаа төрийн өмчийн 1000 орчим цэцэрлэгийн 70-80 хувийг нь бүрэн камержуулсан гэдэг мэдээллийг авсан.
Камержуулах гэдэг нь нэг асуудал, тэрийг гар утсаар дамжуулж харуулах нь тусдаа. Тиймээс эцэг, эхчүүд хүүхдийнхээ цэцэрлэгийн үйл ажиллагааг утсаар харах боломжийг мэдээлэл технологийн компаниудтай хамтарч гаргахаар гар утасны аппликэйшн хөгжүүлж байна.
Мөн сургууль, цэцэрлэгүүдэд Ёс зүйн зөвлөл байгуулсан. Өмнө нь Ёс зүйн зөвлөл гэж огт байгаагүй.
Сургууль бүрийг сэтгэл зүйчтэй болгосноор маш сайн үр дүн бий болсон юм. Тиймээс цаашид цэцэрлэгүүдийг ч мөн сэтгэл зүйчтэй болгох хэрэгтэй гэж харж байна. Энэ мэтээр бид багшийн асуудалд анхаарч байна” хэмээн хэллээ.
Х.ТҮШИГ
Камертай бол сэтгэл амгалан ажиллаад үе2 хөөрхөн үрсээ харчихаад эрч хүч аваад. Их хэрэгтэй камер. Хүүхдийн эрх ийг хамгаалах хэрэгтэй. Тэд чинь өөрсдийгөө хамгаалах чадваргүй байгаа шүүдээ. Бас цэцэрлэгт явж суралцах хэрэгтэй. Зарим нэг муу баганаас айж гэрт хоригдоод байж болохгүй. Тэгэхээр камер заавал хэрэгтэй. Хүүхдээ хэрхэн нийгэмшиж байгааг харах чухал .
Зө зө шоронгийн хүн шиг ажиллахыг багш нар хүсэх болов уу!
энэ бор мэтийн этгээдүүд хүний хүүхдийг дуртай үедээ нүддэг төрлийн хүн байгаа маш зөв юм болох нь ээ хэрэгжвэл