БНХАУ-аас нүүрсний 150 харилцагч буюу худалдан авагчид хоёрдугаар сарын 27-нд Монголд ирэхээр болсон талаар салбарын сайд Ж.Ганбаатар мэдээллээ.
Өнөөдрийн /2023.02.08/ Засгийн газрын хуралдаанаар нүүрсийг Хөрөнгийн биржийг түшиглэн худалдах шийдвэрийг гаргасан билээ.
Дээрх шийдвэрийн хүрээнд БНХАУ-ын нүүрсний худалдан авагчдыг урьж цаашдаа зөвхөн биржээр нүүрсээ авах, биржийн хуулийн давуу талыг танилцуулах мэдээлэл өгөх гэнэ.
Өөрөөр хэлбэл нүүрс авахдаа хэн нэгэн даргад хандахгүй, өөр арга хайхгүй, бүх процесс биржээр явна, үүнд ач холбогдол өгөхийг хүсэх юм. Монгол Улс нүүрсээ тусдаа гарцаар маш хурдан шуурхай гаргахыг зорьж ажиллаж буйгаа тэдэнд танилцуулна гэв.
Илүү дэлгэрэнгүй мэдээллийг ойрын хугацаанд өгнө гэв.
Эх сурвалж: Монгол Улсын Засгийн Газар
