Өчигдөр буюу гуравдугаар сарын 8-нд Ховд аймгийн Зэрэг суманд +20.5 градуст хүрч дулаарсан хэмээн ЦУОШГ-аас мэдээллээ.
Өнөөдөр Завхан, Хөвсгөл аймгийн нутгаар нойтон цас орж, цасан шуурга шуурч байна. Иймд эдгээр аймгийн нутгаар замд халтиргаа гулгаа үүсэх, даваа гүвээ цасанд хаагдаж болзошгүй байгаа тул хөдөө орон нутгийн замаар зорчиж буй тээвэрчид автомашины аюулгүй байдлыг хангаж, болгоомжтой зорчихыг анхааруулж байна.
