Хэрэв биднээс дэлхийн хамгийн хуурай газрыг төсөөл гэвэл бид Сахарын цөл гэх мэт халуун бүс нутагт элс, манханаар бүрхэгдсэн алслагдсан газар нутгийг төсөөлөх магадлалтай. Гэвч бүх зүйл бидний таамаглаж байгаа шиг тодорхой биш гэдгийг судлаачид тэмдэглэж байна гэж “IFLScience” бичжээ.
НАСА-гийн мэдээлснээр, манай гарагийн хамгийн хуурай газрын нэг бол үнэхээр Чилид байдаг Атакама цөл аж. Энэ элсэн цөлийн зарим хэсэгт жил бүр ердөө 1-3 миллиметр хур тунадас ордог. Нэмж дурдахад, эрдэмтэд Атакама цөлийн хамгийн хуурай бүс нутагт 1570-1971 оны хооронд буюу 401 жилийн турш бараг хур тунадас ороогүй гэж үздэг байна.
Дэлхийн хамгийн хуурай тив болох Антарктидад маш хуурай газрууд байдаг ажээ. Хүйтэн уур амьсгал нь дулаанаас харьцангуй бага чийгтэй бөгөөд тус тивийг бороо, цас их хэмжээгээр хуурайшуулдаг байна.
НАСА-гийн судлаачид тус тивийн эрэг орчмын бүс нутагт жилд хэдэн метр, харин дотоод хэсэгт хэдхэн см цас унадаг болохыг тэмдэглэжээ. Иймд дэлхий дээрх хамгийн хуурай тив болж буй аж.
Үүний зэрэгцээ Антарктидын хамгийн хуурай бүс болох “Хуурай хөндий” гэдэг газарт хоёр сая орчим жилийн турш бороо ороогүй байна. Энэ бүс нутаг 4800 хавтгай дөрвөлжин км талбайг эзэлдэг, бараг усгүй бөгөөд энэ нь эргэн тойрны уулс чийг нэвтрүүлэхэд саад учруулдагтай холбоотой аж.
Хуурайшилтад нөлөөлж буй хоёр дахь хүчин зүйл нь катабатик салхи (уулын сэвшээ салхины нэг төрөл) бөгөөд цагт 320 километр хурдтай салхилж, чийгийг ууршуулдаг байна.
Эх сурвалж: FOCUS
Э.ЭГШИГЛЭН
