Хан Тайшир уулын аймаг үүсгэн байгуулагдсаны 100 жилийн ой, Говь-Алтай аймгийн баяр наадам үргэлжилж байна.
Наадмын хүчит 256 бөхийн барилдаанд Ховд аймгийн Буянт сумын харьяат, Говь-Алтай аймгийн Жаргалант сумын уугуул Улсын аварга О.Хангай түрүүлж, Ховд аймгийн Зэрэг сумын харьяат Улсын заан Б.Бат-Өлзий үзүүрлэлээ.
Шөвгийн дөрөвт Улсын заан Б.Бат-Өлзий, Улсын заан Д.Анарыг өвдөг шороодуулсан.
Улсын аварга О.Хангай Улсын харцага Б.Цэдэнсодномоор долоо давж, үзүүр, түрүүнд шалгарсан юм.
Сануулахад, Улсын аварга О.Хангай Хан Хэнтий уулын аймаг байгуулагдсаны 100 жилийн ойн баяр наадамд мөн түрүүлсэн билээ.
